brynjar ýmir

fdgdfgdg

2009-02-11T16:06:00.003Z

brynjarymir.net

2008-09-25T10:41:00.001Z

Þú verður fluttur yfir á nýju heimasíðuna mína.

Ef ekkert gerist næstu 10 sec. smelltu þá hér.

Brullup og Óvissuferð

2008-07-10T13:39:00.002Z

Fórum beint eftir vinnu á föstudaginn og keyrðum til Húsavíkur í Brúðkaup Helgu og Billa sem var á laugardaginn. Yndisleg ferð sem hefði alveg mátt vera lengri. Svo á þriðjudaginn bauð Björg mér í óvissuferð. Enduðum á Þingvöllum þar sem okkar beið karfa í Almannagjá ásamt kampavíni og öllu tilheyrandi. Hún hafði svo verslað tjald (sem við höfðum verið að skoða fyrir skömmu síðan) svo við tjölduðum í rjóðri og höfðum það ótrúlega gott.

Myndirnar má svo nálgast hér með því að smella á hlekkinn fyrir neðan myndina.

From Brúðkaup Helg...

Miðnætursólsetur

2008-07-05T01:31:00.001Z

Tókum okkur smá rúnt eftir að við mættum til Húsavíkur til þess ad fylgjast með miðnætursólsetrinu

Ég er kominn heim í heiðardalinn

2008-06-20T14:18:00.003Z

Þá er maður loksins kominn heim eftir hreint ótrúlega langt ferðalag. Var farinn að sakna heimahagana eilítið. Var annars búinn að lofa myndum seinustu helgi, en það var einskonar „trikk" til þess að fullvissa Helgu um að við værum örugglega ekki á leiðinni til þeirra í Lundinn. Annars eru myndirnar allar komnar inn og hægt að nálgast þær á myndunum hér að neðan.

Ítalíuferðin var hreint út sagt geðveik. Gengið á hverjum degi frá 09 á morgnana til klukkan að verða 18 á kvöldin. Maður rétt náði að koma sér í sturtu og ný föt til þess að fara einhvert út að borða, var svo kominn strax eftir mat upp á herbergi í rot.

Lundarferðin heppnaðist einstaklega vel og er því að þakka að Gummi mágur minn er algjör hetja, tókst að plata Helgu alveg upp úr skónum og kom okkur hratt og örugglega með bestu leiðbeiningum í heimi frá Kastrup til Lundar.

Annars eru það bara myndirnar. Okkur tókst að fylla minniskort sem er 2GB að stærð rétt áður en við tókum stefnuna heim frá Lundi svo það er að af nógu að taka.

Úr albúminu: Gönguferð í Í...

Úr albúminu: Heimsókn í Lu...

Grìskir borgarar

2008-06-14T17:18:00.001Z

Björg sà um kvöldmatinn ì kvöld og bjò til grìska hammara sem voru geggjadir !

Á leiðinni

2008-06-11T23:19:00.002Z

Allt tekur sinn tíma.

Myndirnar detta inn um helgina auk færslu en fyrst þarf að vinna upp blessað fríið..

Nòg að gera

2008-06-04T17:19:00.001Z

Gengum lengsta spottann í dag, eda í gegnum bæina 4(5). Einn meðlimur hópsins slasaðist í göngu í gær og verður víst ógöngufær sem eftir lifir ferðar. Núna erum við annars á leiðinni í smökkunarleiðangur þar sem við fáum ad smakka allt sem héraðið hefur upp á að bjóða. Myndin hér að ofan tókum við á bryggjunni í gamla bæ þorpsins sem við gistum í.

Göngugatan

2008-06-02T13:38:00.001Z

Sàtum ì gærkvöldi og làsum à kaffihùsi vid göngugötunni vid hòtelid okkar. P.s. Get ekki hætt ad taka panoramamyndir eftir ad ég uppgvötadi stillinguna à sìmanum mìnum.

Hröð skipti

2008-05-30T17:46:00.002Z

Lenti í gær rúmri klukkustund eftir skjálftann eftir hreint út sagt yndislega en jafnframt erfiða vinnuferð. Kom heim og rotaðist nánast samstundis í örmum Bjargar.

Erum svo með allar vélar í gangi svo fötin verði sæmilega hrein í ferðalagi okkar um Toscana héraðið sem við leggjum af stað í í fyrramálið.

Senere

Afleitt

2008-05-20T22:44:00.002Z

Jæja..

Hef þetta stutt þar sem ritstífla hefur fest sér rætur hjá mér.

Fer út á aðfaranótt fimmtudags með vinnunni þar sem ég verð með 4 starfsmönnum og 6 skjólstæðingum af sambýlinu í sólinni á Portúgal í viku. Kem svo heim í einn dag, 29. maí og verð svo farinn aftur í loftið ásamt minni heitt elskuðu og tengdaforeldrum á leið til Ítalíu, eða Toscana í vikulanga gönguferð.

Svo það verður nóg að gera næstu tvær vikurnar eða svo.

Aldrei að vita hvort það fá að detta inn myndir með hjálp símans að utan.

Evróvíssjón

2008-05-11T12:32:00.003Z

Er ekkert smá ánægður með að frakkar ætli að senda út Sébastien Tellier. Hef verið aðdáandi frá því að ég komst yfir sándtrakkið úr Lost in Translation.
Las það einhversstaðar að þetta væri mjög umdeilt í Frakklandi þar sem hann syngur á ensku. En lagið er bara fáranlega gott og ekki skemmir fyrir bráðskemmtilegt myndband.
Mæli einnig með laginu La Ritournelle

Afbragð

2008-05-07T20:57:00.004Z

Byrjuðum að undirbúa matseldina fyrir kvöldmatinn upp úr 16 í dag þar sem það þurfti að koma við hér og þar til að finna rétta hráefnið auk þess að koma við í Máli og Menningu að kaupa eina kennslubók sem við höfum lengi haft augastað á.

Komum svo hingað heim og bjuggum til besta mat sem ég veit um.

Tilfinningin við það að kunna búa til sushi heima hjá sér finnst mér ekki ósvipað tilfinningunni og þegar ég plataði mömmu og pabba til þess að fá sér Soda Stream tæki. Sem var svo örugglega ekki ósvipað og að komast að því að úr öllum krönum heimilisins fari að renna Dr. Pepper.

Nördalega smart

2008-05-05T21:22:00.002Z

Yfirleitt þoli ég ekki boli sem eiga að koma til skila einhverjum „fyndnum" skilaboðum s.s. „I'm with stupid" eða einhverju álíka en í dag varð breyting á eftir að ég rakst á þessa boli:

Garden Party

2008-05-03T17:42:00.003Z

Inni í ískáp bíður mín þessi sjón enda erum við á leiðinni í afmæli Söndru hans Óla í kvöld.

Alltof langt síðan ég hef teigað tvo eða þrjá.

Til Árna

2008-05-02T22:02:00.003Z

Árni, ég er hér. Var kominn með svaðalegan móral yfir þessu öllu saman. Málið var að ég ætlaði að reyna að svíkja lit með því að færa mig yfir á wordpress og nýta mér heimasvæðið í skólanum. En eftir mikið fikt og nokkrar vökunætur í lestri á php og wordpress leiðbeiningum komst ég að því að heimasvæðið í skólanum styður ekki php svo vantar mig hýsingu fyrir database. Svo það þarf að bíða betri tíma.

En hér er ég kominn aftur og back in business.

Ein færsla á dag og ekkert gefið eftir !!

Takk fyrir rassasparkið Árni, ómetanlegur stuðningur hér í bloggheimum.

Skandinavíublús

2008-04-10T16:47:00.004Z

Þá er allt klappað og klárt, við búin að ganga frá Hosteli í Kóngsins og miðarnir komnir í hús. Björg fer út í kringum 20. júlí og ég kem svo 25.

Verst að systir mín og fjölskylda verða ekki í Lundinum svo það verður að finna betri dagsetningu fyrir þá heimsókn.

Annars ætlum við bara að reyna hafa það sem best. Enda að verða tvö ár síðan ég fór af Klakanum enda löngu kominn tími til.

Annars fórum við feðgar á Cosí fan tutte í gær og horfðum á mína. Skemmtum okkur konunglega fyrir utan hitann á efri hæð óperunnar sem var orðinn óbærilegur eftir hlé.

Svo í kvöld verður það grillaðar kjúklingabringur og kannski smá kaldur með.

Skólastatus

2008-04-04T15:19:00.003Z

Kláraði seinasta verkefnið mitt rétt áðan, sem var reyndar tímapróf.
Þá er allt klappað og klárt hvað varðar vinnueinkunnir og tvær lokaeinkunnir þessa önnina svo ekkert annað að gera en að hefjast handa við að stúdera fyrir lokaprófin.

Mikið svakalega hlakka ég til að komast í sumarfrí, eða nei.. byrja auðvitað strax að vinnhttp://www.blogger.com/img/gl.link.gifa.

Jæja, þá sumarsins sem inniheldur m.a. þrjár utanlandsferðir og vonandi einhverra ferða út á land, þar sem við Björg erum staðráðin að ferðast til eftirfarandi staða (listinn er ekki tæmandi):

1. Melrakkaslétta

2. Vestfirðir

3. ??

æ man svo ekki meira (var alveg viss um að ég mundi þetta allt, leyfi henni bara að bæta við í kommentakerfinu eða jafnvel á sinni síðu.)

Annars er það Goldfrapp sem ætlar að koma mér í gegnum próflesturinn næstu tvær vikurnar. Með þessari plötu hér:

Stórslys

2008-04-01T13:13:00.004Z

Váá hvað ég væri ekki til í að vera um borð í þessari rútu..

Hlekkur á myndband

Þetta er aprílgabb með mjög svo nördalegu móti, kallast Rickroll og felst í í því að láta sem maður hefur undir höndum video á youtube af einhverju merkilegu en svo kemur á daginn að um er að ræða myndbandið Never gonna give you up með Rick Astley. Endilega að lesa um þetta hér: http://en.wikipedia.org/wiki/Rickrolling

Hjólandi kreppa

2008-03-31T12:12:00.003Z

Er búinn að eyða seinustu 2 vikum í það að skrifa ritgerð fyrir einn áfanga sem ég skilaði svo á föstudaginn og 5 tíma með aðra (jafnlanga) sem ég skilaði í gær.

Verður gaman að sjá útkomuna úr því.

Svo er bara að hella sér í læridóm þar sem fyrsta prófið mitt er eftir rúma viku.

En sama hvernig fer þá er ég amk orðinn algjör sérfræðignur í APA staðli.

Er annars kominn alfarið á hjólið vegna sífelldra bensínhækkana og kom þess vegna í óttalegu svitakófi hingað út í skóla í dag.

Held að ég sé dottin úr æfingu..

Lessalsatferlisfræði

2008-03-28T12:57:00.002Z

Þessi lessalur sem ég eyði flest öllum stundum inn í ásamt rúmum 200 fleiri er örugglega besta efni sem hægt er að fá til þess að nota í lokaritgerð eða atferlisrannsókn.

Mér er minnisstætt eina nóttina þegar salurinn var nærrum því fullur af fólki og einhverri stúlku bregður svona fáranlega þegar vinkona hennar bankar í bakið á henni til þess að fá lánaðar glósur.
Salurinn tekur við sér, allir standa upp og líta í áttina að henni, horfa svo á hvorn annan en enginn segir neitt.

Alveg eins og áðan þegar vöruflutningabílstjórar keyrðu hérna fram hjá flautandi, þá stendur fólk upp, kíkir á gluggann og horfir á hvort annað án þess að segja neitt.

Myndir frá Páskaferð

2008-03-28T12:26:00.002Z

Hér eru myndir frá páskaferðinni sem við héldum í á föstudaginn var.

Ótrúlega skemmileg uppstilling úr Ömmuhúsi

Hlaðin batterí

2008-03-25T23:15:00.002Z

Skelltum okkur norður á föstudagsmorgun eftir að hafa komið við í Stigahlíðinni í morgunverðarhlaðborði hjá Maríu og Þór.
Vorum komin uppúr 14 til Siglufjarðar þar sem var tekið á móti okkur með freyðivín og svo eldað svín.
Áttum meiriháttar góðan dag með mömmu og pabba í ömmuhúsi.
Brunuðum svo yfir Lágheiðina með Patrolinn fyrir framan okkur svona til öryggis.
Ókum svo frá Ólafsfirði til Húsavíkur og vorum komin til Bibbu ömmu upp úr 17. Földum þá snöggvast páskaeggin og spiluðum skrabbl alla helgina auk þess að gera sem minnst.
Svo það má með sanni segja að batteríin séu hlaðin og vel það og maður er ansi vel settur andlega fyrir komandi prófavertíð.

Myndir detta inn von bráðar..

Djammleiðis

2008-03-20T15:39:00.002Z

Þar sem ég er hættur að fá mér í tánna hef ég hér með ákveðið að birta albúm seinustu tveggja/þriggja djamma.

Það fyrsta er gamalt eða frá því 3. nóvember 2007 þegar við félagarnir hittumst á Vegamótum, pöntuðum okkur mat en aldrei bólaði á honum, þjónustan í kringum borðið okkar fór gjörsamlega úr skorðum og allt endaði þetta á því að rekstrarstjóri staðarins greip inn í og bauð okkur upp á allt það sem staðurinn bauð upp á. Sjaldan lent í öðru eins. Þær myndir er hægt að nálgast hér..

Annað í röðinni var ósköp penn vínardansleikur sem var á árshátíð tónlistadeildar LHÍ sem var haldin 2. febrúar síðastliðinn sem endaði þó á því að mér tókst að rífa buxurnar mínar og Björgu að hrufla á sér löppina þegar við vorum að leita að partyi sem okkur hafði verið boðið í. Það er hægt að nálgast hér..

OG þriðja og síðasta sem sló botninn í þetta allt saman var innflutningspartýið heima hjá GummaPáls, en þá samkundu var búið að hype-a alltof mikið og einhverjir stóðu að því að versla aðeins Vodka og Magic í það geim sem fór ansi illa í landann enda endaði þetta allt saman á því að baðherbergisinnréttinginn hjá Gumma greyinu, í nýju íbúðinni, hrundi eftir að tveir menn studdu sér/sátu við hana. En þær myndir er hægt að sjá hér..

Tileinkað Óla

2008-03-08T10:15:00.003Z

Ég er bara ekki frá því að ég gæti tekið suma í nefið eftir að hafa skoðað summary-ið yfir hlaupið sem ég hljóp kl. 09 í morgun !

Sushi+Bjór

2008-03-07T19:42:00.003Z

Er búinn að vera skvera allt til heima við seinnipartinn í dag og dauðlangar í Sushi og bjór eftir allt erfiðið. Erum að tala um að ég handþvoði meira að segja koddana okkar.

Gekk þó ekki eins langt og neminn sem þreif inni hjá Seinfeld í samnefnum þáttum sem þreif svo vel að hann skrúbbaði meira að segja lokin á þvottaefnisbrúsunum.

Jæja, þá er bara að koma sér í gallann þar sem við eigum stefnumót við Óla og Söndru í kvöld.

Hggonda

2008-03-06T14:43:00.000Z

Hugsa að þetta sé flottasta bílaauglýsing sem ég hef séð til þessa.

Alltaf á bremsunni

2008-03-05T22:05:00.003Z

Tókst það ómögulega í gær (með dyggri hjálp föður míns auðvitað) að skipta um bremsur á Renault - inum mínum.

Gekk hálfbrösulega til að byrja með, vissum óttalega lítið út í hvað við vorum að fara en svo fyrr en varði var ég að leggja seinasta boltann í felguna eftir að hafa komið seinna framdekkinu aftur á.

Pabbi kallinn fór svo undir hnífinn í morgun og lét fjarlægja úr sér liðþófann í hnénu svo ég er hræddur um það að við séum sannkallaðar hetjur !

duvlev

2008-02-22T10:59:00.003Z

Þar sem við fengum Nike + iPod græjuna frá Nike fórum við út að skokka kl 07 í morgun, 1,5 km bara svona aðeins til þess að prófa græjuna. Og mikið svakalega er þetta töff græja, lætur mann fá status check annað slagið auk þess að hægt er að setja á powersong sem maður getur kveikt á á endasprettinum.

Svo er hægt að fylgjast með ferðum mínum hér á síðunni, eða hve duglegur ég er. Um að gera að fylgjast með og hvetja mig !

Erfitt líf

2008-02-19T20:37:00.002Z

Það er óttalega erfitt að ganga inn í AppleBúðina án þess að hafa verslað sér Family Pack af Leopard !

Jæja, best að taka kvöldið frá inn á skrifstofu með 3 skjái fyrir framan sig og mikið backup..

Status Check

2008-02-13T13:37:00.003Z

Árshátíðin var virkilega skemmtileg. Skemmtiatriðið var vægast sagt tryllt, en þar var Ólafur Arnalds búinn að útsetja Cry me að river með Justin fyrir 8 strengi. Þvílíkt og annað eins ! En það má sjá og heyra hér

Enduðum svo í frumsýningapartyi í þjóðleikhúsinu en eitthvað rugluðumst við á hurðum svo að mér tókst að rífa jakkafötin mín og Björgu tókst að rispa á sér kálfann.

Álftamýrisvinir okkar gerðu sér svo lítið fyrir og skelltu sér til Lundúna í morgun og á meðan gerumst við Björg fósturforeldrar Ástu á meðan, eða fram á miðvikudag og gengur það eins og í sögu, a.m.k. eftir fyrstu nóttina en þá held ég að hún hafi verið pínulítið ringluð eftir að hafa skriðið upp í og séð okkur hrjótandi í rúmi foreldra sinna.

Laugardagskvöld

2008-02-09T12:05:00.000Z

Árshátíð í kvöld hjá LHÍ sem verður ábyggilega ekki leiðinlegt, sérstaklega þar sem Óli verður á hjúkkuárshátíð með Söndru á sama tíma, svo bæjarferðin á vonandi eftir að setja góðan punkt yfir i-ið þegar við hittumst vonandi öll.

Gróf upp gamla Cassius-diskinn minn í gær og hann hefur ekki stoppað í spilun.

En hér er myndband við lag af nýjasta disknum sem kemur manni klárlega í stuð !

Næturvaktin

2008-02-09T00:12:00.000Z

Ég hreinlega dýrka Næturvakt Rásar tvö, liggur við að ég fari fram á við kennarann hennar Bjargar, sem sér um Podcast(Hlaðvarp) RÚV um að setja þetta þangað inn. Þvílíkir gullmolar sem þarna er hægt að finna, varla hægt að komast hjá því að hlægja a.m.k. aðeins í hvert skiptið sem maður leggur við hlustir.

Ekkert sem jafnast á við það að heyra gamalt lið á 5. bjór hringja inn rétt eins og það gerði seinustu helgi og helgina þar á undan senda kveðjur til sama liðs og seinast og hampa svo Guðna Má í hvívetna, og biðja svo að lokum um óskalag, sem það bara man ómögulega hvað heitir og byrjar að raula „she dance, she dance.."

Náunginn sem hringir í hvert einasta skiptið í þáttinn og fer með kveðjur í c.a. 3 mín sem hann les af blaði, m.a. til áhafnarinnar á togaranum Hallbirni og einhverjum fleiri hefur samt klárlega vinninginn !

Litun og Plokk

2008-02-06T09:24:00.000Z

Var að komast að þessari ótrúlegu uppgötvun í gær. Málið er að ég á dökkbláan, langerma Lacoste bol sem ég hef átt í að ég held 3 ár. Bolurinn var byrjaður að láta svolítið á sjá, hann er ekki alveg eins dökkur og þegar ég keypti hann svo í gær skellti ég mér í Þorstein Bergmann á Skólavörðustígnum og keypti svart litarefni.

Og nú er bolurinn eins og nýr eftir að hafa fengið að fara nokkra hringi í vélinni upp í Torfufeli meðan fjölskyldan snæddi saltkjöt og baunir og spjallaði við Svíþjóð í myndsímtali.

Og það sem gerði útslagið var að ég fékk meirað segja klippingu hjá henni móður minni.

Ferðasagan

2008-01-29T13:42:00.000Z

Komum heim eftir strangt ferðalag á aðfaranótt sunnudags, mamma bauð okkur ferðalöngunum að koma við í T34 og gista þar. Svo við vorum ekki lengi að taka beygjuna upp að Rauðavatni enda rúmið í Skipholtinu uppfullt af fötum frá fimmtudeginum síðan ég hafði verið að reyna pakka niður.

Mér tókst með ótrúlegum hætti að gleyma jakkafötunum áður en lagt var í hann norður og svo að gleyma fartölvu/skólatöskunni minni fyrir norðan á Húsavík þegar við fórum í skyndingu suður eftir að hafa horft á veðurspána og flúið frá Húsavík.

Tókst þó að fá lánuð þessi fínu föt fyrir norðan (buxur númer 32 eða 30, á meðan ég nota buxur nr. 34 - 36). Sem ég tek auðvitað sem miklu hrósi, enda er bumban bersýnilega að hverfa smátt og smátt.

Allt ad gerast

2008-01-26T01:53:00.001Z

Björg fékk ad komast að hjá Gunnellu og fékk líka þessa fínu klippingu. En hér erum vid nýkomin heim í ömmuhús á leiðinni að fá okkur bjór með þeirri gömlu

Húsavík

2008-01-25T05:43:00.001Z

Erum komin til Húsavíkur eftir 8 tíma, ansi amasamt ferdalag ! Meira á morgun..

Holtavörduheidin

2008-01-24T23:54:00.001Z

Lullum hérna á 60 og kl ad verda 00:00, áætlud heimkoma kl 04 eda svo

Styttist í brottför

2008-01-24T17:31:00.000Z

Nú förum við að leggja í hann hvað úr hverju norður til Húsavíkur til þess að fara í jarðaför Jóns Árnasonar eða afa Jóns.

Fyrirhuguð brottför var kl. 1600 en þar sem áríðandi kall kom úr vinnunni hennar Bjargar varð hún að hlaupa til og láta mig um að pakka og lesta, svo undanfarnar klukkustundir hef ég verið með handfrjálsan í eyrunum tínandi til eftir kúnstarinnar reglum stjórnandans.

En planið er svo að koma við á bensínstöð áður en við leggjum í hann til þess að kaupa sitthvað til þess að narta í á leiðinni, og þá er ég að tala um nammi af „dönskum sið“.

Reyni að vera duglegur í farsímablogginu meðan á veru okkar stendur þarna fyrir norðan.

Kætrönner

2008-01-14T16:38:00.000Z

Mér var boðið á "óvissustefnumót" í gær af henni Björgu.

Kom mér svona svakalega á óvart og bauða mér á Flugdrekahlauparann. Stóð svo fyllilega í þeirri í meiningu að hún væri ekki einu sinni búinn í framleiðslu þegar hún sýndi mér miðana í gær.

En mikið svakalega var hún góð, leikstjórinn fer vandlega eftir bókinni og flestöllum smáatriðum fylgt eftir.

Endilega skoða trailer hér

Annars byrjar skólinn með látum, svo það er ansi slæmt að hafa verið með flensu fyrstu vikuna. Svo nú er bara að fara horfa á hljóðfyrirlestrana sem teknir eru upp í þeim tímum sem ég missti af: sem er stuð.

Dæmi:

Kennari ,,...já, og einmitt þannig virkar pointerar í stacktrace"
Nemandi ,,já, en er...(þögn)..erfitt..(þögn)..hv..(eitthvað smá skvaldur)"
Kennari ,,Já nákvæmlega !! Og eimitt svona spurning gæti mjög líklega komið á prófi"
Ég (sem sit við vélina inn í miðjum lessal) ,,Frábært!!"

nu blev jeg syg

2008-01-08T15:16:00.000Z

Eyddi næstum allri nóttinni inn á baði með höfuðið hálft ofan í klósettskálinni.. Held að gubbupest sé einn sá leiðinlegasti vírus sem um getur.

Uppfært myndaalbúm

2007-12-19T18:41:00.000Z

Hann Hannes efndi til veislu á laugardaginn var því það var kominn tími til að fagna nýju íbúðinni hans, hann var ekki lengi að snara fram þessari líka svakalegu Fajitasveislu. En lyktin var alveg eftir því á dansgólfum staðanna sem voru heimsóttir seinna um kvöldið, sem má þakka aðalega þessum manni hér.

Ég var auðvitað með vélina á lofti mest allt kvöldið að dúndra af myndum sem má skoða hér:

Letiblogg

2007-12-18T09:49:00.000Z

Þetta er mjög fyndið !

Þetta er ennþá fyndnara..

Jólafílingur

2007-12-13T16:39:00.001Z

Hélt ad þetta væri grín þegar ég rakst á þetta sprey hér niðri í vinnu.

Jú, þetta er eitt stk jólalykt í brúsa !

Píanópróf

2007-12-12T13:26:00.000Z

Þreyti mitt fyrsta píanópróf eftir rúman hálftíma og er með svona nett stress í mér, þó ekkert á við það þegar ég spilaði á blokkflaututónleikunum 95' í Seljakirkju undir stjórn Eddu Borgar.

Draumavefarinn

2007-12-06T23:06:00.000Z

Missti mig aðeins í Dreamwaver í dag eins og sjá má hér á síðunni, enda ekki annað hægt þegar jólatiltektin byrjar.

Held að ég hafi náð að fækka kóðalínunum á síðunni úr 420 niður í 350 sem verður að teljast þónokkuð gott enda frameworkið mjög skorðað, búinn að nota það sama síðan 2002.

Annars kom það á daginn að við skötuhjúin verðum að vinna á gamlárskvöld, reyndar bara til 22 eða svo. Leggst svosum ágætlega í mig, aldrei unnið á þessum tíma áður og finnst hann heldur ekki svo heilagur, amk þar til að miðnættis.

Og fyrir þá sem eiga eftir að koma sé í rétta gírinn fyrir jólin, m.ö.o. koma sér í jólaskap þá mæli ég með Sufjan Stevens jólaplötunni. Þvílíkur hátíðarblær !

A, B, C...

2007-12-04T09:11:00.000Z

Er eitthvað voðalega latur við að pósta þessa dagana. En..

A) Ég er næstum því alfarið búinn að færa mig yfir á Flickr-ið með bloggið, eða þ.e. myndabloggið. Ótrúlega gaman að vera kominn með síma sem er með öflugri myndavél og almennilegu flash-i -> Endilega að skoða það hér. Mun auðveldara, enda mun minni "kreistingur" sem fer í það að finna eitthvað til þess að skrifa um.

B) Mæli með að allir fari á þessa síðu hér, skoði hverjar fara með bakraddir og hlusti svo á lagið. Reyni svo að fylgjast með næstkomandi Kastljós - þáttum þar sem lagið verður frumflutt.

C) Allir þeir sem hafa áhuga á skáldskap og almennum húmor geta svo snarað sér á þessa síðu sem ég bjó til í kringum vísbendingarnar sem notaðar voru í afmælispakkaratleik þegar Björg átti afmæli. Mjög mikil pressa var kominn á mig um að senda þessar vísur í tölvupósti, og því ákvað ég barasta að fikta í iweb í staðinn, sem er skrambi flott forrit.

Ósama !!

2007-11-29T12:23:00.000Z

Bwaaaahahahahha !!

Allt að koma

2007-11-21T16:12:00.000Z

Fór í fyrra prófið í morgun kl 09 með bókina (smekkfulla af postit miðum), möppuna (sem einnig var vel indexuð) og kartonspjöldin (sem voru vægast sagt vel-þéttskrifuð) því prófið var "open book exam", eða eitthvað sem ég hef aldrei tekið áður á öllum mínum skólaferli.

Prófið gekk ekki alveg nógu vel, en það er eitthvað sem kemur í ljós seinna, enda var ég mjög svo ánægður eftir að hafa fengið skilaboð frá gamla góða Hlöðvershópnum þar sem þeir vildu endilega fá mig í hádegis mat.

Annars er komið að seinna prófinu sem er á föstudaginn. Fer fram á milli 14 - 17, hleyp þá beint úr prófinu yfir í vinnuna og verð þar nánast alla helgina.

Svo á Björg afmæli á sunnudaginn, þið sem hafið hugmynd af góðri afmælisgjöf handa henni megið vinsamlegast hafa samband.

Það var og

2007-11-14T11:18:00.001Z

Tilvitnun:
,,Annars langar mig voðalega mikið að stofna aðgang á Flickr, alltaf dáðst af hönnun vefsins auk pælingunni á bakvið hann. En það kemur í ljós."

Ótrúlegustu hlutir sem maður nennir að dunda sér við þegar próflestur er annars vegar.

Líf mitt í myndum má þ.a.l. nálgast hér:

Tryllitæki

2007-11-13T10:02:00.000Z

Fékk nýja símann minn sendan til mín í pósti í gær eftir að hafa þurft að bíða eftir honum í rúma viku, verslaði mér hann á Vefverslun Símans, sem er staðsett að ég held í Ármúla, sem er innan við 2km fjarlægð frá mér.
Held allavegana að næst fari ég barasta niður í verslun og heilsa upp á gamla kunningja í leiðinni. A.m.k. held ég að geri þetta ekki aftur, á agalega erfitt með að bíða sérstaklega þegar um nýjar græjur er um að ræða.

En síminn er flottur, með 3,2 MP myndavél sem og Xenon flassi, beintengdur við heimasíðuna mína svo hvar sem er ætti ég að geta tekið mynd sem með tveimur smellum er ég búinn að pósta á síðuna (sjá færslu hér að neðan).

Annars langar mig voðalega mikið að stofna aðgang á Flickr, alltaf dáðst af hönnun vefsins auk pælingunni á bakvið hann. En það kemur í ljós.

Jæja, ég ætla mér að byrja að gera hérna e-ð að viti. Og reyna ekki að detta í sama far og í gær þegar ég blótaði kennarann minn í sand og ösku því mér fannst vera farinn svo langt út fyrir efnið þegar ég fattaði svo eftir að hafa verið með glósurnar hans opnar úr 9. kafla en bókin var opin á kafla 10 og skildi ekki upp nér niður í þessu.

Nýji síminn

2007-11-13T09:55:00.001Z

Jæja, látum nú sjá hvernig hann höndlar thetta

Þensla einhver ?

2007-11-10T17:54:00.000Z

http://www.mbl.is/mm/frettir/frett.html?nid=1302154;rss=1

Skorpur

2007-11-10T17:49:00.000Z

Les og glósa í 45min, korter í að lesa nýjasta RSS Feed-ið og fá mér kaffibolla.

Svona er þetta búið ganga síðan á miðvikudaginn.

Það er andsk.. fínt að lesa fyrir próf.

BLIIING - Réttur dagsins í Nóatúni er...

2007-11-08T14:19:00.000Z

Ég hreint út sagt elska það að koma við í hádeginu, versla mér tilbúna kartöflumús og pylsur og horfa á glænýjan Prison Break meðan ég háma í mig.

Eftirköstin eru þó ekki ósvipuð og eftir að maður fer á McDonalds og fær sér stækkaða stjörnumáltíð, sljóleiki og allt útþembt.

Versla sér inn músík

2007-11-06T20:29:00.001Z

Keypti mér tónlist á netinu í dag, eitthvað sem ég geri sárasjaldan því ég veit hve hættulegt það er, þ.e. þegar ég byrja er eiginlega ekki aftur snúið.

Keypti mér tvær plötur í dag sem átti eiginlega að vera aðeins ein:

Alltaf verið forfallinn aðdándi Spilverksins.
Eða allar götur síðan ég komst í ipodinn hennar
Bjargar fyrir meira en tveim árum síðan. Þessi
er sú eina sem vantar í safnið, auk Nærlífi.
Sem flýgur vonandi inn um þráðlausa netkortið
á tölvunni minni von bráðar.

Hefði einhver sagt mér fyrir c.a. 5 árum að í
dag myndi ég kaupa þessa plötu myndi ég aldrei
nokkurntímann trúa því. Eflaust migið í mig úr
hlátri í þokkabót og hugsað með mér að í dag
yrði ég í annarlegu ástandi. En svo er ekki raunin.
Með því að hlusta mestmegnis á Rás1, gerast
sökker fyrir Hauki Morthens og eldast pínu er ósköp
lítið mál að enda með plötuna "Manstu gömlu daga"
inn á harða drifinu hjá sér.

Helgin

2007-11-05T12:42:00.000Z

Helgin var ansi hreint þétt. Kaffi og kökur í Torfufelli á laugardagsmorgun þar sem flestar frænkur mínar voru mættar að heilsa upp á Birnu Rún áður en hún færi út ásamt mömmu og pabba til Lundar.

Litum svo við í Kolaportið og svo heim og gerðum okkur klár fyrir kvöldið þar sem við strákarnir ætluðum út að borða og Sandra og Björg ætluðu eitthvað að dandalast niðrí bæ.

Vegamót varð fyrir valinu en þónokkurn tíma tók okkur til þess að fá borð, en loks þegar við fengum það og við pöntuðum okkur mat en svo bólaði ekkert á matnum okkar, við biðum í c.a. eina og hálfa klst. þar til hann kom. (vorum búnir að þrasa mikið við þjónustuliðið enda með "toppnag - ara" í liði með okkur).

Staðurinn fékk svo hæstu mögulegu einkunn eftir þessi leiðindi þar sem við fengum matinn frítt auk þess að dælt var í okkur hinum og þessum drykkjum eins og á færibandi.

En leiðinlegast þótti mér samt að týna símanum mínum, enda ekki mjög langt síðan ég keypti hann. En nýr og flottari sími er á leiðinni inn um lúguna hjá mér á næstu dögum.

En myndir eru væntanlegar þar sem mér tókst þó að halda í myndavélina mína eftir þetta viðburðaríka kvöld.

Afmælistrúður

2007-11-02T17:09:00.000Z

Ég fann upp á ótrúlega sniðugum búning þegar við unnum í HinuHúsinu með fötluð ungmenni í sumar.

Uppskrift:
Hetturpeysa (helst að hún sé aðeins of stór, má einnig vera rennd), blöðru og tússpenna.

Maður smegir síðan blöðrunni í hettuna á peysunni, teiknar andlit á blörðuna, klæðir sig svo í peysuna og til verður mjög svo fyndin vera.

Í gær buðum við Björg nánustu fjölskyldu í kaffi og kökur hingað heim í Skipholtið, Jóhann Bjarkar, litli bróðir Bjargar var kominn heldur mikið stuð seinnipartinn og sló síðan svona rækilega í gegn eftir að við Björg komum honum í gallann víðfræga.

Greyið var orðið heldur leiður á að sjá ekki neitt en við hlógum okkur máttlaus á meðan.

Eftirfarandi myndband er hér af furðuverunni:

Svo gat ég nú ekki annað en farið með smá píanókonsert fyrir veislugesti enda pressan mikil, systurnar sýndu svo í hvað þeim bjó og jóhann losnaði varla undan blöðrunni.

Kakan var líka ansi góð !!

Stutt og laggott

2007-10-20T13:38:00.000Z

Átti ansi erfitt með að koma mér af stað í dag þrátt fyrir að hafa vaknað kl 08 og keyrt Björgu mína í vinnuna, sökudólgurinn er nýja tölvan mín sem ég hef ekki fengið aaalveg nóg af að fikta í.

Margt sem á eftir að setja upp og þá helst að getað tengst henni neðan úr skóla (ekki spyrja mig hversvegna), stetja upp á hana hina og þessa pakka s.s. Office, Parallels, WinXP ofl.

Skrifborðið mitt var draumi líkast í allan gærdag eftir að sú nýja var komin á borðið. Smelli inn mynd af "setup - inu" hingað bráðlega.

Jæja, þá er að reyna læra sitthvað, ha ? Ræsa intellij ? Ekki nema 1 sec..

Svona var ég kátur eftir kaupin í gær

Vorum orðin voðalega lúin í gærkvöldi sýnist mér

Eníga meníga

2007-10-18T19:05:00.000Z

Þar sem ég hef verið voða sparsamur undanfarið með því að halda í þá aura sem ég þénaði síðastliðið sumar, m.a. með því að hafa alltaf verslað í Bónus, reynt að neita félögum mínum þegar þeir bjóða mér með sér í hádegismat á dýrum skyndibitastöðum og þar fram eftir götunum (o.þ.f.e.g. ??) er ég mikið að velta því fyrir mér hvað ég ætti eiginlega að fara versla mér inn á næstunni.

Langar mjög mikið í þennan borðstand sem ég er að velta því fyrir mér að panta frá BNA, enda kominn með svo flotta skrifstofuaðstöðu, þó kannski ekki alveg eins flotta og þessa hér..

Svo ætla ég að versla þetta hulstur á morgun utan um ipodinn minn, alltaf verið með mikla fóbíu gagnvart hulstrum, aldrei fundið neitt við mitt hæfi o.þ.l. eyðilagt fjöldan allan af símum og ipodum (þó ekki nema 2) en þetta blessaða hulstur gjörsamlega bræðir mig.

Svo er það hin eina sanna tölva sem er nú er á siglingu yfir Atlantshafið frá Kína sem kemur mjög líklega í næstu viku eftir rúma 3 mánaða bið.

Heyrðu já, svo á ég afmæli eftir aðeins 12 daga.

Redding

2007-10-16T11:11:00.001Z

Þegar maður hefur ekkert að segja á bloggsíðunni sinni og er byrjaður að fá móral yfir því hve margir koma hingað og sjá sömu færslu og var hérna síðast og þarsíðast er alltaf gott að redda sér með því að blogga um tónlist, birta myndir eða video.

Svo í dag ætla ég að birta video.

Fáranlega fyndið video sem ég sá í gær og veinaði af hlátri, maður veit svo nákvæmlega hvað á eftir að gerast eftir fyrstu sekúndurnar. En það fyndnast er það sem þessi sölumaður "dauðans" segir í restina "but it is very safe to operate, continue to call for it.." Svo löngu búinn að átta sig á því að hann klúðraði sölunni.

Konfekt eru með þeim bestu þáttum sem gerðir hafa verið á Íslandi, var búið að áætla gerð amk 12 þátta eða svo en þeir urðu ekki nema 4 að ég held. Ekki ósvipuð saga og með þættina Limbó. Var búinn að gera dauðaleit að þessum þáttum einhverntímann en ekkert gekk en núna hefur einhver meistari sett slatta af sketsum á youtube. Mæli með viðtalinu við Dj Ívar, Hahahha, dans og síðast en ekki síst tónverkið Í Vægðarheimum.

Í regnbogum

2007-10-12T13:57:00.000Z

Verslaði mér plötuna In Rainbows með Radiohead í gær á 0 pund.

Er alveg að fara komast yfir samviskubitið með því að réttlæta það fyrir sjálfum mér að ég versla annað eintak fyrir c.a. 1000 kall ef ég fíla plötuna..

Sýnist verða að því eftir að ég er búinn að leyfa henni að renna í gegn þrisvar sinnum í dag.

Það er kominn ögn meira tempó í strákana og sumir vilja meina að þeir sé orðnir aftur eins og þeir voru hérna í denn, þ.e. eins og á plötunum The Bends, Ok Computer o.fl. en mér finnst þeir ennþá vera í Kid A og Amnesiac fílingnum sem er mér vel að skapi.

Er það helst...

2007-10-12T11:42:00.000Z

Árni nokkur Long, vinur minn frá menntaskóla á tvífara vikunnar ef ekki barasta ársins á síðunni sinni í dag. Endilega að kanna það hér.

Fréttafíkillinn ég eyddi svo dágóðum tíma í það að hafa kveikt á bæði útvarpi og sjónvarpi til skiptis í gær, enda um rosalegt mál að ræða sem ég nenni ekki að fara út í hér.

A.m.k. held ég að það hafi ekki verið langt í að það að það hafi byrjað að rjúka úr fjölmiðlamælinum mínum sem ég þarf orðið að ganga með á mér alla daga.
Við Björg féllumst nefnilega á það að taka þátt í fjölmiðlakönnun hjá Capacent Gallup ekki fyrir svo löngu síðan. Tækið er á stærð við símboða sem maður þarf að ganga með á sér yfir daginn og setja svo í hleðslu á kvöldin, hann sendir svo upplýsingar til Capacent á nóttunni þar sem öll okkar fjölmiðlanotkunn okkar er skráð.

Fyrir þetta vinnum við okkur inn punkta sem við getum notað í að versla okkur JamieOliver eldhússett eða Capacent flíspeysur. Gaman að því..

Langar helst að geta komist í grunninn hjá þeim, þ.e. getað séð það e.t.v. vikulega hve mikið ég hef hlustað á ákveðnar útvarpsstöðvar eða hve mikinn tíma ég eyði í það. Ekki ósvipað og last.fm.

Jæja, fréttayfirlit í þann mund að hefjast, má ekki missa af því, sjáumst !!

Þabbarrasonna

2007-10-07T12:24:00.000Z

Ég náði í mína á miðvikudaginn, fannst svipurinn á henni þó eitthvað einkennilegur eftir að ég hafði sagt henni hvað ég hefði verið að bardúsa meðan hún var úti, allt þar til hún viðurkenndi það fyrir mér að hafa farið á netið og séð "makeover - ið".

Muna bara næst að deila óvæntlegheitum ekki með lesendum síðunnar..

Annars skelltum við okkur í afmæli (kveðjuboð) til Ingu í gær, en fyrst var hitað upp heima ásamt Hildigunni og Skúla með Móhítóboði.

Ósköp pent allt saman enda heljarinnar verkefni sem þarf að skila á þriðjudag

Á morgun

2007-10-02T18:40:00.000Z

..kemur mín heitt elskaða heim frá Kína.

Fékk sms frá henni um hádegið þar sem hún var á leiðinni um borð í vélina, tilbúin að takast á við 24 tíma ferðalag aftur á Klakann.

Annars er þetta búið að vera fínt þessar tvær vikur, búinn að fá nóg að borða, bæði hjá foreldrum og tengdaforeldrum, svo hef ég einnig getað sannað Darwinismann hjá sjálfum mér og eldað sitthvað, s.s. Pylsur og fleira.

Plataði elskulegu foreldra mína í lið með mér á sunnudaginn í að ganga frá lausum endum sem hafa setið á hakanum síðan við fluttum inn. M.a. var það að hengja upp loftljósið fyrir ofan eldhúsborðið og svo að ganga almennilega frá gardínunum.

Jæja, þá er bara að telja niður því ég er orðinn ansi hreint þreyttur á biðinni eftir minni..

Æ Kjú

2007-09-30T23:50:00.000Z

Ójá.. mér tókst það !!

Kvöl og pína

2007-09-28T00:38:00.000Z

Ég þori að fullvissa mig um það að kvöl og pína hvers bloggara sé að líta yfir farinn og veg og lesa gamlar færslur eftir sig sjálfan, eflaust ekki ósvipað og að rekast á gamlar fermingamyndir af sér inn í geymslu.

En þar sem það er ekkert mál að rífa gömlu fermingamyndirnar og henda (eða jafnvel brenna) er það aftur á móti ekki eins farið með gömlu færslurnar þar sem þær liggja á netinu.

Málið er að allar gömlu færslurnar voru eiginlega horfnar, en mér tókst að endurheimta þær eftir smávægilega aðgerð.

Svo núna er ég búinn að vera að renna í gegnum þetta, brosandi út í annað en þess á milli með hroðalegan aumingjahroll því margt hefur breyst á tæpum 4 árum.

Langar að búa til smá lista með hinum og þessum færslum

Átti í löngu samtali við Gunnar Óla vin minn, m.a. um hvað við höfðum eiginlega verið að gera í FB, held að ég sé kominn með svarið við því

Skelfilegasta tímabil lífs míns, tók þá fáranlegu ákvörðun að vinna í heilan mánuð án þess að taka mér eitt einasta frí, 12 tímavinnudagur á frekar leiðinlegum vinnustað, útborgun: c.a. 200þús.

Skemmtileg færsla en botninn á henni er hörmung, langar mikið að stroka hann út..

Þegar Hannes flutti heim frá fjölskyldu sinni í Svíþjóð og tók við nýja húsinu þeirra algerlega strípuðu að innan héldum við party þar í viku.

Ohh, og tímabilið þar sem við félagarnir fengum þá hugmynd að fara stunda sólbaðsstofur

Það leið ekki sá mánuður án þess að Óli klessti á og ég tók þ.a.l. snemma upp á því að rissa upp skýringamyndir af aðstæðum árekstursins og pósta á bloggið auk frásagnarinnar einnig hér og örugglega mun fleiri

Áður en ég frelaðist og skipti yfir í betra liðið

Byrjunin á ferð sem gleymist seint

Enn ein vísbendingin á því hvað maður gerði á framhaldskólaárunum

The Pianist

2007-09-26T18:00:00.000Z

Ég var ekki lengi að "pikka upp" byrjun lags með Spilverkinu á nýja píanóið skömmu eftir að það flutti inn til okkar fyrir fáeinum vikum síðan.

En sumir fjölskyldumeðlimir voru samt ekki á sama máli og ég að þessi lagabútur væri rétt spilaður og var ég umsvifalaust sendur til píanókennara.

Svo ég er að fara í minn fyrsta píanótíma á föstudaginn kl 1430 til hennar Sólborgar, lesendum síðunnar er velkomið að leggjast við hlustir á hurð Listaháskólans.

Vandræði og vesen

2007-09-25T22:11:00.000Z

Blogger með allt sitt hafurtask var á góðri leið með það að gera mig bandbrjálaðan í gær og í dag !

Þannig er mál með vexti að ég er með hann tengdan við heimasvæðið mitt út í skóla, en svo allt í einu gafst hann hreinlega upp.

Búinn að fara margsinnis yfir stillingarnar bæði mín megin og skólamegin, en ekkert gengur. Hefur verið að hrjá fleiri sýnist mér en enginn hefur lausn og tæknimenn Blogger svara engu. En svo virðist sem þetta hefur komist í lag hjá fólki eftir einhvern ákveðin tíma, en þar sem ég þarf auðvitað að láta fjölskyldu mína, hér sem og erlendis vita af gangi mála og flytja þeim fréttir af okkur unga parinu get ég ekki annað en opnað tímabundið hér á gamla svæðinu.

Útvarp allra landsmanna

2007-09-25T14:56:00.001Z

Og þá er það komið í hús !

Útvarpið úr Hlaðhömrum 5 sem ég hef svo lengi þráð að eignast.

Síðan við Björg byrjuðum saman hef ég alltaf verið svo heillaður af sturtuútvarpinu heima hjá tengdaforeldrum mínum, þvílíkt tæki og þvílíkur lúxus að getað hlustað á 07 fréttirnar áður en maður tekst á við daginn í sturtunni, á meðan sparar maður bæði tíma og peninga.

Málið var að fjölskyldan var að fá sér enn betra útvarp í sturtuna, að ég held í stereo og með innfelldum sápuskammtara, sem þau keyptu í BNA fyrir skömmu.

Þá er það bara spegill á sogskál sem mér hefur ekki enn tekist að finna, og "voilla" ég flyt lögheimili mitt inn í Klefann !

Segi bless við vekjaraklukkuna, þessi kemur mér af stað

Einn og yfirgefinn (Taka2)

2007-09-21T14:00:00.001Z

Nú er mamma farin út ásamt 90 konum til Mónakó. Svo við feðgarnir erum einir heima. Ætlum að borða eitthvað saman í kvöld og e.t.v. að horfa á einhverja hörku spennandi hasarmynd...

Mikið svakalega verður kósý hjá okkur

Annars bauð ég Óla yfir í gær þar sem hann strauk að heiman eftir að íbúðin hans fylltist af stelpum. Vorum ekki lengi að háma í okkur hammara, franskar og bearnes !

Endurminningaoverload

2007-09-19T22:36:00.001Z

Fyrir hálfum mánuði héldum við strákarnir eitt stk góðan endurfund. En það sem hefur einkennt þessa skemmtilegu endurfundi er það að við höfum oftar en ekki sett af stað slideshow sem inniheldur slatta af gömlum og góðum myndum, en þar sem við eigum ekki alveg nógu mikið af myndum inn á lager hjá okkur ákváðum við Hannes að taka þetta skrefinu lengra og afla okkur fleiri mynda með öllum tiltækum ráðum.

Útkoman var 400 gamlar myndir sem m.a. komu úr albúmum hinna og þessa og einnig slatti úr Miðbergi.

Þessum blessuðu myndum ákvað ég svo að skella barasta á netið.

Smellið á myndina

Einn og yfirgefinn

2007-09-18T15:37:00.000Z

Í nótt skutlaði ég Björgu á bílaplan MH þar sem hún hoppaði upp í rútu sem skutlaði Hamrahlíðakórnum til Keflavíkur þaðan sem þau héldu svo áleiðis til Kína.

Í kvöld ætla ég svo að skella mér í mat í T34 og hjálpa þeim hjónum við ýmislegt, s.s. að bera ofn ofl.

En í gærkvöldi var vinnufundur í vinnunni okkar, átti að vera rólegheitarfundur á Rossopomodoro. En þegar við mættum á staðinn beið okkar rúta sem fór með okkur í koktailboð til yfirmannsins og svo út að borða eftir á.

Rosastuð, en svolítið erfitt að vakna kl 05 í nótt.

Guys Night Out Ultimate Edition

2007-09-16T12:39:00.000Z

Myndir komnar inn frá laugardagskvöldinu 8. sept þegar við strákarnir hittumst í frábæran mat, í þvílíkar veigar og slideshow sem innbyrgði yfir 800 myndir sem við komumst yfir á allskyns stöðum, m.a. Miðbergi, heima hjá Stellu og myndasafni okkar sjálfra.

Nennti ekki að ritskoða þetta svo ég læt allt flakka..

Pétur tók þemað skrefinu lengra

Mikið gaman, mikið grín...

2007-09-14T13:14:00.000Z

Búið að vera allt brjálað að gera í skólanum hjá mér upp á síðkastið, 3 verkefnaskil í kringum helgina og ég búinn að vera út í skóla til kl 23 - 00 á kvöldin síðan á mánudag.

Annars hef ég verið að spá í því upp á síðakastið að hoppa yfir í kerfisfræði, þ.e. að segja þetta gott með lokaverkefni áramótin 08 - 09. En það kemur allt í ljós. Kannski um stutt stundarleiðindi að ræða ?

Björg fer svo út til Kína á þriðjudaginn, þ.a.l. þarf ég að fara lifa á pylsum, örbylgjupístum og láta bjóða mér í mat í rúmar 2 vikur..

Myndirnar frá laugardagskvöldinu fara að detta inn, eða um leið og ég finn einhverja stutta tímaaflögu. Grunar samt að kvöldið í kvöld komi vel til greina.

Og meðan ég man, þá er ekki langt í orkubókina mína !

Fáviti forever !

2007-09-11T15:22:00.000Z

Bauð félögum mínum í ógleymanlegan hitting á laugardagskvöldið, við Óli vorum mættir upp úr 14 eftir góða ferð úr Ríkinu og Bónus með fulla poka af mat og veigum, byrjuðum við að elda og gera klárt.

Mín ástkæra Björg var svo góð að sjá um eftirréttinn, þar sem hún var á annað borð að fá sópransystur sínar í kaffi á sunnudaginn, skellti hún í tvær súkkulaði - ostkökur, eina handa okkur og aðra handa systrunum.

Þegar leið á kvöldið, við búnir að borða yfir okkur af fylltum bringum og víni var komið að ostakökunni, og athugið, að hin ostakakan (sem var nákvæmlega eins og sú sem var í boði þegar hér er komið við sögu) er inni í ískáp.

Vegna mikillar seddu kláraðist kakan ekki alveg, þ.e. c.a. 1/6 var eftir af henni.

Þegar Björg staulast svo fram úr daginn eftir til þess að líta inn í ískáp vakna ég við óp og ýmis blótsyrði sem ég hélt að væru hreinlega ekki til í orðaforða ástkonu minnar.

Rannsóknin er á frumstigi og ég lýsi hér með eftir vitnum og vísifingri;

Sönnunargagn #1

Sönnunargagn #2

Nýr fjölskyldumeðlimur

2007-09-10T23:49:00.000Z

Hugsa að nú getum við íbúarnir í Skipholtinu kallað okkur fjölskyldu því í dag birtist nýr fjölskyldumeðlimur.

Hann er svartur, kallar sig Samick og lítur einhvernveginn svona út..

Svo er Björg mín byrjuð að blogga (Taka tvö), systur minnar eflaust til mikillar hamingju !

Músík í partyi

2007-09-08T23:34:00.000Z

Hér hægra megin á síðunni er hægt að skoða það sem verið er að hlusta á í partyinu...

Klikkuð stemmning !

Mamma og pápi

2007-09-07T23:48:00.000Z

Eins árs brúðkaupsafmæli hjá foreldrum mínum í dag !

Hringdum í pabba í dag og ætluðum að bjóða þeim hjónum í mat, en þá var hann út í búð að versla eitthvað rómó til þess að geta eldað handa sinni í kvöld, náði það ekki lengra.

Innilega til lukku með þetta elsku og bestu foreldrar.

Svo hress hjónin !

FB

2007-09-05T20:18:00.000Z

Freyja Björk, litla frænka mín, er byrjuð að labba !

En þar sem fjölskyldan er úti í Svíþjóð þurfum við sem heima sitjum að fylgjast með í tölvunum okkar (þökk sé nútíma tækni(og e.t.v. Google)).

Hér stendur hún vörð um Suðurgötu37 á Sigló

Hér er hægt að sjá hana taka allra fyrstu skrefin, og hér er hægt að sjá hana eftir rúma viku..

Þvílíkar framfarir !

Törn

2007-09-02T14:59:00.000Z

Ekki amalegt það að vinna 27 tíma vinnuhelgi og reyna klára skilaverkefni í stærðfræðigreiningu um leið, en mér sýnist mér ætla að takast það...

Hljómleikar

2007-08-31T14:46:00.000Z

Hamrahlíðakórinn stóð fyrir tónleikum í Hátíðasal MH í gær, auðvitað skellti ég mér strax eftir vinnu til þess að styðja gott málefni.

Náði seinni helmingi Sprengjuhallarinnar og svo, sem betur fer, að sjá Hjaltalín í heild sinni.

Er enginn svona "Bravó eða Vúúhhúú - náungi" en ég held að ég hafi staðið sjálfan mig að því í tvígang í gær að hrópa á milli laga...

Mamma og pabbi komu líka, og fannst mömmu Hagalín og Stórsveitin standa helst upp úr.

Páll Óskar tók svo lokahnykkinn á þetta með stæl.

Hér er allt að verða vitlaust !

2007-08-30T14:47:00.000Z

Þar sem við réðum okkur í 100% vinnu út ágúst höfum við þurft að mæta strax eftir skóla , síðan hann byrjaði (20.ágúst), til vinnu kl 16 á daginn og erum að vinna til 22 - 23 á kvöldin.

Ég hef verið að taka námsgögnin með mér þar sem það er s.s. hægt að læra meðan maður er á vakt. Eða svona hér um bil.

Svo maður er kominn með óttalegan móral yfir því hvað maður er að "nýta" nýju íbúðina lítið.

En allt tekur þetta enda á mánudagskvöld þar sem þessari blessuðu 100% vinnu er lokið.

Og svo auðvitað 1. sept...

Nánast í höfn

2007-08-25T13:26:00.000Z

Ætla að segja það gott héðan úr skólanum rétt fyrir 18, koma við í Ríkinu, versla nokkra kalda og svo ætlum við að taka upp úr nokkrum "SyndaKössum", sem eru þeir kassar sem hvað lengst hefur verið beðið með að taka uppúr vegna dótsins sem þeir innihalda (m.ö.o. : ,,hmm, á að fleygja þessu eða halda því" - dót).

Og þegar það er allt komið má segja að þetta sé orðið ágætt.

Gardínurnar fengu að fara upp í gær við mikinn fögnuð íbúanna, og væntanlega strákanna sem leggja stund á vélfræðinám við Fjöltækniskólann með að þurfa ekki að horfa á mig arkandi um á nærbuxunum á morgnanna. Og er það að stórum hluta tengdamóður minni að þakka hvernig það fór, en hún græjaði þær fyrir okkur með saumavélina að vopni.

Svo þá er bara að gera þetta "spikk'o span" því við eigum von á ekki nema 6 manns í mat annað kvöld.

ENTOURAGE !!!

2007-08-22T20:06:00.000Z

Amk í öðrum hverjum mánuði hittumst við félagarnir heima hjá einhverjum okkar og horfum á c.a. 3 - 5 þætti af Entourage. Þættirnir eru í sjálfu sér ekki af bestu sort, en ávanabindandi nokk og alveg kjörnir í það að halda strákakvöld í kring um.

Hægt að kynna sér allt það hér

Á þessum kvöldum höfum við haft það fyrir reglu að gestgjafinn eldi rétt (sem ég reyndar byrjaði á á sýnum tíma) sem samanstendur af rjómaosti, salsasósu og osti, þetta auðvitað mixað í eldföstu móti og skellt í ofn á 170 gráður eða svo í 15min og étið með mexíkóskum flögum.

En svo var ákveðið að halda næsta Entourage - kvöld í nýju hýbýlum mínum, og stakk ég upp á því að vera með ísrétt, sem ég efast um að geti klikkað þar sem hann inniheldur t.a.m. Oreo kex. En félagar mínir eru ekki alveg að taka það í sátt. Svo þetta hefur gengið svo langt að Guðmundur nokkur Pálsson, meðlimur og einn af stofnendum Entourage - hópsins ætlar að skella í réttinn víðfræga heima hjá sér, keyra með ofnhanskana niður í Skipholt og bjóða upp á hinn hefðbundna rétt.

Hjólandi

2007-08-22T10:43:00.000Z

Eins og hvað ég elska hjólið mitt og eins að hjóla á því, þá er smá partur af mér við það að fara setja smáauglýsingu í Blaðið um að 2 mánaða gamalt hjól sé til sölu þegar veðrið er svona kl 0750 meðan ég hjóla í skólann...

Stundar(töflu)brjálæði

2007-08-21T12:17:00.000Z

Ansans stundataflan mín er einn stór árekstur. Aðalega vegna falls í einum áfanga á fyrstu önn svo núna er ég að deyja úr stressi og á leiðinni inn á fund deildastjóra til þess að láta laga þetta eins og skot.

Ekkert jafn meira pirrandi og þegar maður er komin í gírinn, tilbúinn að versla í Bóksölunni, fara læra og taka þetta með stæl að lenda í einhverju stappi og þurfa að bíða.

Hringdi svo í Apple IMC í morgun til þess að kanna hvar ég sé á biðlistanum eftir MacBook Pro, nr. 20 í röðinni og fæ hana ekki fyrr en um miðjan sept. !!

Get þó huggað mig við það að ég fer að festa kaupa á einni svona Samsonite seinna í dag.

Þá byrjað það

2007-08-20T13:04:00.000Z

Þá er allt komið á full swing !

Við almennilega flutt inn, byrjuð á "danska" og skólinn farinn af stað.

Örlitlar fíneseringar hér og þar og þá ætti allt að vera komið í orden, s.s. að versla mér nýja vél, tösku undir hana og netvæða pleisið sem fyrst.

Úllíngar

2007-08-01T22:21:00.000Z

Nú erum við fjölskyldan á leið til Siglufjarðar um verslunarmannahelgina í rólega ferð í Gamla húsið, en síðan Akureyrabær ákvað að meina ungmennum á aldinum 18 - 23 ára á hátíðina sína aðgangi grunar mig að ungmennin marseri á Síldarævintýrið á Sigló, og er þessi frétt hér eitthvað sem veildur mér eilitlum áhyggjur um að annað "Halló Akureyri" sé í uppsiglingu.

Myndveitan ég

2007-07-30T18:50:00.000Z

Ansans myndasíðan mín hrundi eða öllu heldur hvarf, var reyndar hýst hjá gömlu fyrirtæki gamals bekkjabróður míns sem ég held að sé búið að leggja upp laupana.

En ég næ engu sambandi við kauða svo ég hugsa að ég færi mig barasta yfir í Picasa, kann agalega vel við það, "imba - proof", auðvelt að uploada mörgum myndum í einu (flottur stuðningur í iPhoto) og kemur frá sömu eigendum Blogger.

Gæti svo vel verið að ég reyni að koma upp svipuðu fyrirkomulagi og áður fyrr, en þá bara á mínu heimasvæði.

Klekkað..

2007-07-29T16:52:00.000Z

Hversu mikið brjálæði er það að vera hálfnaður með að fylla 4 fm. unglingsherbergi í Grafarvoginum af kössum sem koma úr íbúð sem er ekki nema rúmir 50 fm. ?!

Miðbæjarrottan

2007-07-26T21:00:00.000Z

Að búa niðrí bæ er yndislegt !

Eiginlega einum of yndislegt því það er auðvitað stutt á barinn, þ.a.l. er ég núna á öðrum bjór á Barnum að hanga í tölvunni þegar ég ætti helst að vera gera húsið tilbúið til "skilunar".

Erum búin að labba í vinnuna undanfarna viku því hún er ekki nema hálfum Laugavegi neðar.

Förinni er svo heitið í Hlaðhamrana að passa að yngstu meðlimir fjölskyldunnar fari sér ekki að voða auk þess að sjá um að elda ofan í þá o.s.f.v.

Svo er aðeins vika eftir af vinnunni en við náðum að ráða okkur í aðra vinnu út ágúst auk þess að geta gripið til hennar með skóla í haust.

Svo er það bara Siglufjörður um verslunarmannahelgina sem fer ekki aðeins í það að skella sér á ball með "Fílapenslunum" heldur að kveðja systur mína, mág og tvær sætustu frænkur mínar sem öll eru á leið til Svíþjóðar í miðjum ágúst.

Flutningar

2007-07-21T16:05:00.000Z

Það fer alveg að koma að því sem við höfum verið að bíða eftir seinustu 2 ár, að flytja !

Búin vera undirbúa pakkningar, sortera, þrífa og þ.h.

En einmitt meðan við vorum að tala um hvað það gæti orðið leiðinlegt að "búa í kassa" í viku eða tvær meðan við pökkum hringdi Guðbjörg frænka Bjargar og bað okkur um að passa húsið sitt ásamt kettinum á Grettisgötu næstu 2 vikur eða svo. Sem er klikkað.

Svo næstu tvær vikur verða eitthvað á þessa leið; vinna, pakka, setja í vél og sofa.

Tvegg'ára !

2007-07-16T23:16:00.000Z

Og við erum orðin tveggja ára !

Hitt og þetta

2007-07-15T22:11:00.000Z

Ýmislegt hefur verið bardúsað síðastliðnar vikur.

Skelltum okkur til Siglufjarðar á Þjóðlagahátíð seinustu helgi og svo í útileigu í Skorradalinn með vinnunni í gær sem var heldur betur skrautleg.

Íbúðina fáum við svo þann 8. ágúst og ég var ekki lengi að gefa sjálfum mér innflutninggjöf. En hana má sjá hér !

Erum líka komin með nýja vinnu sem við sjáum fram á að geta unnið með skólanum í vetur, amk eftir 3. júlí þegar sumarvinnunni líkur í Hinu Húsinu.

Svo það er allt að gerast...

Útskrift

2007-06-21T21:16:00.000Z

Gummi mágur minn útskrifaðist með Bs. próf um daginn úr Rafmagns og Tölvuverkfræði, haldin var heljarinnar veisla í Torfufellinu en að henni lokinni hélt nánasta fjölskylda á Sjávarkjallarann í klikkaðasta kvöldverð sem ég hef upplifað.

Endilega skoða myndirnar úr veislunni !

Ég og "Rafmagns og tölvuverkfræðingurinn"

Pólland v.s. Suður Póll

2007-06-21T18:33:00.000Z

Pólskur maður sem fæddur er í Suður - Póllandi, verður væntanlega suður pólskur.

Hvað verður þá maður sem fæddur er á Suður Pólnum kallaður ?

Sjíkel

2007-06-19T16:50:00.000Z

Eftir örskamma stund fer ég að versla mér eitt stk svona !

Þá er bara að gera hjálminn klárann, hlaða ipod - inn og setja á sig endurskin.

Sjáumst eftir svolítið langan tíma, á eftir að verða háður.

It's on !!

2007-06-17T20:25:00.000Z

Og við fengum íbúð !

Fengum tölvupóst þess leiðis á miðvikudaginn var um að okkur stæði til boða tvær íbúðir sem við fengum úthlutaðar hjá BÍSN. Önnur er í Bólstaðahlíð, en hin í Skipholti. Eftir stuttan umhugsunarfrest varð Skipholtið fyrir valinu, tveggja herbergja íbúð á fjórðu hæð og ekki nema rúmlega 2 ára gömul.

Svo við erum í skýjunum þessa dagana og erum meir að segja byrjuð að sortera. Þ.e. hvað skal taka með o.s.f.v. Svolítið þægilegt að fara upp úr kjallaraholunni, 15 m frá Kringlumýrabraut upp á 4. hæð í Skipholtinu.

DSC00074

2007-06-17T17:42:00.001Z